|
"چاخماق" يوخسا "شاخماق" بو ايکی فئعللرين بير سانيلماغی اصلا اينانيلمالی دئييل. "چاخماق" لازيم و متعدّی بير فئعل دير. يعنی مفعول گؤتورر, مثلن: "توٍفنگی چاخديم." "شاخماق" لازيم بير فئعل دير. مفعول گؤتوره بيلمز. "چاخماق" فئعلی سسدن يارانيب. "شاخماق" فئعلی ايلگيلی حرکتدن يارانيب. بو سسلرين ايلگيسينه باخين: آ > ش > ب آخماق شاخماق باخماق مثلن, ايلانين عوٍمومی حرکتينه "آخماق" دئييلر. حالبوکی, اونون خطرلی, کسگين حرکتينه "شاخماق" دئييلر. بير بيچينچی دئيهر: "اوراق چاليرديم. اوراغين آلتيندان بيردن بير ايلان شاخدی گئتدی!" بو فئعلدن دير شاخلانماق: "ياغيز آت شاخلانديمی دوراق دينلهمز" ائلهجه ده , بو فئعلين متعدّی قورماسی بئله دير: "شاخديرماق". "ايلديريم شاخدی!" دئمک ايلديريمين تهلوکهلی ايلگیلنمهسينی آرتيق وورغولايير. بو مفهوم "ايلديريم چاخدی" سؤزونده يوخدور! بيزدن دئمک!! |
| تبليغات | X |
