"کؤنول" يوخسا "گؤنول"؟ بلکه ده گؤيول, گؤوول, گؤگول؟   اينسانين يوخا بير حيسی­نين نيـيه بئله کوبود آدی وار دير؟ دئمک, هاميـيا آز-چوخ سوآل ديرکی, بئله­جه کوبود سسله­نن "کؤنول" سؤزجويو بالاخره نه معنادا دير!   دئمه­لی دير:: اينسانين حيسّی هاوالانديغی اوٍچون بو فئنومئن "گؤی"-­له ايلگی­لنير. بو آد اصلينده "گؤی", "گؤو", "گؤگ" سؤزوندن آلينيبدير. اونونچون ده, خالق­آراسی دوٍزگون فورمدا "گؤيول", "گؤوول" و "گؤگول" ايشله­نير. آنجاق شرق اؤلکه­لرينده عئلمی ديلچی­ليـيی محض فيلولوژی (فيلولوقيـيا) گؤردوکلری اوچون بو سؤزجوک _يازيق_ بو گوٍنه قاليبدير. آخی, فيلولوژی آدلانان ديلچی­ليک قرار ايميش ديلين کئچميشينی آراسين. بو فيلولوق­لار دا ديلين يالنيز يازی فورموندانسا ال­لرينده باشقا بيرزاد يوخوموش. (بو ديلين ميليون­لارجا دانيشان­لاری دا معلوم دير حئسابا گرک گلمه­سينلر! آغالارا کسر شأن اولار.) قديم "گ" يئرينه "ک" يازيليرميش, بير سيرا "ن"-­لار دا غونّه "ن"-لاری کيمين اوٍچ نؤقطه­لی "ڭ"-له يازيليرميش. اونا گؤره چوخ ساده­جه اولاراق "گؤگول" سؤزو "کوکول" "کوکل" و "ککل" فوردا يازيلديقدا ايکينجی "ک"-نی "ن" فرض ائده­رک "کؤنول" سؤزجويو تاپيليبدير. ايندی بوندان باشقا بير فورمادا يازيلارسا او يازيچی تکفير اولدوقدا يئرلی "لهجه" ايشله­ديجيسی آدلاناديقدا آبريسی تؤکوله­جک!!!! بو دا بيزيم عئلمی ياناشماميز!! نه ياخشی کی توٍرکيه­لی­لر اونون اوّل سسينی دوٍزگون ايشله­ديرلر: گؤنول! ان آزی بودور کی "گؤنول" يازيلسين و دوٍنيانين بخته­ور ديل­لری ساياقدا دا کولوکوئيال فورماسينا (يعنی "گؤيول"-له) ده ادبی ايش­لرده مئيدان وئريلسين. خالقين گوٍناهی نه­دير ديلچی­لر ساوادسيز دير؟